Məşhur türkiyəli müğənni Ece Seçkin İstanbulda 6.2 bal gücündə baş verən zəlzələ zamanı yaşadıqlarından danışıb. Publika.az xəbər verir ki, müğənni bu barədə sosial media hesabında paylaşım edib.
Ece Seçkinin sözlərinə görə, zəlzələ anında o, evində yuxuda olub. Həmçinin özünə məxsus müxtəlif mükafatların düşərək parça-parça olduğunu qeyd edib.
“Səhərə yaxın komanda olaraq Mersindən İstanbuldakı evlərimizə gəldik. Zəlzələ zamanı mən də öz evimdə yatmışdım. Çox qorxduq… Hər hansı insan itkisi olmadığı üçün şükür edirəm və zəlzələdən zərər çəkən hər kəsə şəfa diləyirəm”, – deyə o bildirib.
“Memarım gözüm kimi baxdığım mükafatlarım üçün şüşə vitrini xüsusi olaraq dizayn etmişdi. Çünki aldığım hər mükafat mənim üçün çox mənalı və dəyərlidir… Evdə bircə şüşə vitrin sındı… İllərin mükafatları sındı, parça-parça oldu. Qəlbim də elə oldu. Atam dedi ki, kədərlənmə, ustaya düzəltdirərik. Bəlkə bəzilərini xilas edə bilərik”, – deyə Ece Seçkin əlavə edib. (Oxu.Az)
