Əməkdar jurnalist Xoşqədəm Baxşəliyeva fəxri doktor adına layiq görülüb.
Milli.Az manset.az-a istinadən xəbər verir ki, Beynəlxalq Elm və Texnologiya Universiteti tərəfindən tanınmış jurnalist və televiziya aparıcısı Xoşqədəm Baxşəliyevaya fəxri doktor adı verilib. Diplom rəsmi mərasim zamanı universitetin rektoru professor doktor Erdal Dursun və rektor müşaviri professor doktor Bəxtiyar Nəcəfov tərəfindən təqdim olunub.
Qeyd edək ki, Beynəlxalq Elm və Texnologiya Universiteti dünyanın fiziki məhdudiyyətli şəxslər üçün yaradılmış ilk ali təhsil müəssisəsi olmaqla yanaşı, 10 beynəlxalq akreditasiyaya malikdir. Universitet təhsil, elmi araşdırma və inklüziv cəmiyyətin qurulması sahəsində mühüm fəaliyyət göstərir.
