Yeməkdən sonra yaranan şişkinlik, qaz və mədə yanması bir çox insanın üzləşdiyi narahatlıqlardandır. Bu problemlər əsasən həzm sistemindəki pozuntular və düzgün qidalanmama vərdişlərindən qaynaqlanır.
Bəs şişkinlikdən necə qurtulmaq olar?
Milli.Az sizə şişkinliklə mübarizənin təbii reseptini təqdim edir:
Yeməkdən dərhal sonra dörddə bir stəkan təbii qarışıq içmək həzmi asanlaşdırır və şişkinliyi azaldır. Xüsusilə zəncəfil və nanə kimi bitki mənşəli içkilər həzm sistemini sakitləşdirir, qaz və turşu yaranmasının qarşısını alır. Zəncəfil mədəni sakitləşdirərək qaz yığılmasının qarşısını alır, nanə isə mədə turşusunu tarazlaşdıraraq yanma hissini azaldır.
Dörddə bir fincan zəncəfil çayı və ya nanə çayı içmək mədə və bağırsaqların rahatlamasına kömək edir. Həmçinin, yeməkdən sonra suya bir neçə damcı alma sirkəsi əlavə etmək mədə turşusunu tənzimləyir, qaz əmələ gəlməsini azaldır və ürək yanmasının qarşısını alır.
Bu təbii içkilər kimyəvi dərmanlara alternativ olaraq orqanizmə zərər vermədən həzm sistemini dəstəkləyir. Yeməkdən sonra dörddə bir stəkan təzə zəncəfil suyu, nanə çayı və ya limonlu su içmək gündəlik həyatda şişkinlik və ürək yanması kimi narahatlıqları aradan qaldırmaq üçün ideal üsuldur.
