2 may tarixi bəzi insanlar üçün taleyüklü dəyişikliklərə səbəb ola bilər. Tarot proqnozlarına görə, bu gün üç bürc nümayəndəsi uğursuzluqlara son qoyaraq həyatlarında yeni bir səhifə aça biləcəklər. Eyni zamanda 2 may Zərdüştilik ənənəsində xüsusi bir bayram – Bolluq Günü ilə üst-üstə düşür.
Milli.Az xəbər verir ki, 2 mayda Balıqlar, Qoç və Tərəzi bürcləri üçün müsbət enerjilər ön plandadır və bu tarix onlar üçün dönüş nöqtəsinə çevrilə bilər.
Balıqlar – maneələr aradan qalxır
Bu gün Balıqlar uzun müddətdir cavab axtardıqları bir sualı nəhayət ki, aydınlaşdıracaqlar. Tarot kartları bu bürc nümayəndələrinə xüsusi bir şans vəd edir. Onlara məsləhət görülür ki, fürsətləri əldən buraxmasınlar və uğursuzluq qorxusuna qalib gəlsinlər.
Qoç – radikal dəyişikliklər üçün ideal vaxt
Qoçlar üçün bu gün keçmişi arxada buraxmaq və həyatlarında yeni bir mərhələyə qədəm qoymaq vaxtıdır. Tarot kartları onlara arzularını səsləndirməyi və cəsarətlə dəyişikliklərə getməyi tövsiyə edir. Bu gün arzuların gerçəyə çevrilməsi üçün doğru zamandır.
Tərəzi – xoşbəxtlik dalğası gəlir
Tərəzilər üçün 2 may sevinc və dəyişikliklərlə dolu olacaq. Tarot proqnozu onların intuiziyalarına qulaq asmalarını və daxilən hiss etdikləri yönə doğru irəliləmələrini tövsiyə edir. Daxili səs onları doğru yola yönəldəcək.
2 may – Bolluq və Ali Həqiqət günü
Bundan əlavə, 2 may tarixində qədim Zərdüştilik ənənəsində “Bolluq Günü” qeyd olunur. Astrolog Katerina Solovyova RBC-yə açıqlamasında bildirib ki, bu gün Günəşin Buğa bürcünün 13-cü dərəcəsinə keçidi ilə bağlıdır və 2025-ci ildə, yəni bu gün bu hadisə saat 06:44-də başlayıb.
“Bu tarixdə Ali Ədalət bayramı qeyd olunur. Bu günün fəlsəfəsi İlahi Alovun – yəni insanın daxilindəki həqiqət və müdrikliyə gedən yolun qorunması ilə bağlıdır. Hər bir insan bu alovu oyadaraq Yer üzünü daha gözəl və ədalətli edə bilər,” – deyə astrolog bildirib.
O əlavə edib ki, bu gün 12 işıq yandırmaq ənənəsi mövcuddur və təsadüfən pul tapan şəxslərin il boyu maddi rifahı arta bilər.
Qeyd: Bu xəbər Tarot proqnozlarına və astrologiya ənənələrinə əsaslanır və yalnız maarifləndirici xarakter daşıyır.
