Yaponiyada Japan Air Commuter (JAC) təyyarəsini havaya qalxdıqdan dərhal sonra ildırım vurub. “Unikal” xəbər verir ki, bu barədə “Aviation Herald” nəşri məlumat dərc edib.
Göyərtəsində 14 nəfərin olduğu ATR-42-600 təyyarəsi Amakusadan Kumamotoya planlı uçuş həyata keçirirmiş. Hündürlük əldə edərkən təyyarəni ildırım vurub və pilotlar hava limanına qayıtmağa qərar veriblər. Eniş uğurlu alınıb. Uçuşdan sonrakı yoxlama zamanı gövdədə ildırım vurmasının izləri aşkar edilib.
