Showaz.net bu məlumatı Türkiyə mediasına istinadən paylaşır.
Geniş istifadə olunan süni dadlandırıcı olan ksilitolun infarkt və insult riskini artırdığı müəyyən edilib.
Diabet xəstələrinin və ya arıqlamaq istəyənlərin istifadə etdiyi ksilitol, saqqız və diş pastası kimi məhsullarda da var. Ötən il aparılan bir araşdırma ksilitol kimi şəkər spirti sinfində olan eritritol adlı tatlandırıcının infarkt və insult riskini iki qat artırdığını göstərdi.
Yeni araşdırmalarında bu araşdırmanı aparan qrup ksilitolun ürək-damar sağlamlığına təsirini araşdırıb.
“European Heart Journal” jurnalında dərc olunan araşdırmanı aparan qrup, ürək xəstəliyi riski olan və gecələr oruc tutan 3 mindən çox insanın qan nümunələrini yoxlayıb.
Üç il ərzində izlənilən bəzi iştirakçılar ürək-damar problemləri yaşasa da, qanında yüksək səviyyədə ksilitol olanların bunu daha çox hiss etdiyi məlum olub.
Daha sonra insan və siçan üzərində təcrübə aparan tədqiqatçılar müəyyən ediblər ki, ksilitol qanda trombositlərin laxtalanmasını sürətləndirir. Bu qan laxtaları infarkt, insult və hətta ölümlə nəticələnə bilər.
Daha sonra 20 sağlam insanın yarısına tərkibində normal səviyyədə ksilitol olan içki, digər yarısına isə şəkər (qlükoza) ilə şirinləşdirilmiş içki verildi. Birinci qrupdakı iştirakçılarda qanın laxtalanması sürətlə artdığı halda, şəkərli içki qəbul edənlərdə belə bir artım müşahidə edilməmişdir.
İnfarkt, insult və ölüm riski təxminən iki dəfə artır
Tədqiqatçılar, eritritol kimi ksilitolun infarkt, insult və ölüm riskinin təxminən iki qat artması ilə əlaqəli olduğunu tapdılar. Alimlər həmçinin qeyd ediblər ki, ksilitol qəbul etdikdən sonra qanda qlükoza səviyyəsi min dəfə artıb və 6 saat ərzində yüksək səviyyədə qalıb. Dr. Hazen bu tapıntını belə izah edir: “Şəkər yediyiniz zaman qlükoza səviyyəsi 10 və ya 20 faiz arta bilər, lakin min dəfə deyil”.
Şəkər spirtləri insan orqanizmində təbii olaraq istehsal olunduğu üçün ümumiyyətlə sağlam sayılır. Bununla belə, tədqiqatçılar onların orqanizmdə çox aşağı səviyyədə istehsal olunduğunu və kommersiya istehsalında müxtəlif proseslərdən keçdiyini vurğulayırlar.
Yeni araşdırma şəkər spirtləri ilə ürək-damar xəstəlikləri arasında əlaqəni qeyd etsə də, səbəb-nəticə əlaqəsi qurmaq mümkün deyil.
Corc Vaşinqton Universitetinin İdman və Qidalanma Elmləri Departamentinin müəllimi Rob van Dam deyir ki, gecələr oruc tutan insanlarda ksilitol səviyyəsi təbii olaraq arta bilər.
20 nəfərlə eksperimentdə iştirak edənlər oruc tutmadığı üçün burada qurulan əlaqə daha etibarlı olsa da, az sayda iştirakçı başqa araşdırmalar tələb edir.
Bu məhdudiyyətlərə baxmayaraq, araşdırma aparan qrup, tapıntıların ksilitol və eritritol kimi maddələrin risklərinə diqqəti cəlb edəcəyinə ümid edir.