Sosial şəbəkə hesablarından etdiyi paylaşımlarla böyük diqqət çəkən, xarici görünüşü qədər adı da fərqli və qeyri-adi olan Çelsi Baxşıyeva Milli.Az-a niyə açıq-saçıq, yarıçılpaq halda görüntülərini sosial mediada paylaşması barədə danışıb:
“Bunu etməyim müxtəlif səbəblərə əsaslanır, etdiklərimi müasirliklə əlaqələndirsələr də, açıq-saçıqlığımın səbəbi mənə görə özümü nümayiş etdirib, kişiləri qıcıqlandırmaqdan həzz almağımdır.
Buna təbii xarici görünüşə sahib olmağım əl verir. Onlar baxır və ciblərinə nəzərən əldə etmək çabasına düşürlər, düşünürlər ki, müəyyən məbləğ ilə bunu bacaracaqlar. İstəkləri həyata keçməyincə mənə qarşı kinlənirlər və mən bundan həzz alıram, xoşuma gəlir, bir sözlə məzə tuturam.
Təbii ki, qadınların da reaksiyaları gözoxşayan deyil, amma bu da mənim vecimə deyil. Deyəcəklər ki, gözəl deyilsən hardan bu özgüvən? Tamam, gözəl olduğumu zatən bəlirtməmişəm, amma Azərbaycanın ən cazibədar qızı olduğumu bildirmək üçün bir çox səbəbim var. Bunu deməyə ən əsas səbəb də bu zamana kimi istər üz nahiyyəmdə, istərsə də bədənimdə hər hansı bir hissəsini plastik əməliyyat etdirməmişəm, bıçaq altına girməmişəm. İndi yaxşı bilirik ki, mənəm-mənəm deyib, bədəni, xarici görünüşü ilə öyünən qızların, modellərin, blogerlərin böyük əksəriyyəti hansısa bir nahiyyəsində ən azı bir əməliyyat da olsa etdirib, amma məndə buna rast gələ bilməzsiniz. Ona görə də özümü Azərbaycanın ən cazibədar qızı saymağa tam haqqım olduğunu düşünürəm.
Sosial şəbəkədə mesaj yazanların sayı-hesabı yoxdur. Böyük əksəriyyəti eyni şeyi yazır – müəyyən məbləğ qarşılığında görüşməyimi istəyirlər. Rədd cavabı alanda isə acizləşirlər, məni “əxlaqsız” deyə adlandırırlar, əxlaq məfhumunu qadının 2 ayaqları arasında axtarırlar tamam axtarsınlar”.
