Tanınmış şoumen və aparıcı Sərxan Kərəmoğlu Rusiyadakı hərbi çevrilişə cəhdlə bağlı açıqlama verib. O bildirib ki, Rusiyada gərginlik istəyən azərbaycanlılar axmaqdır. Sənətçisinin sözlərinə görə, çox sayda azərbaycanlı Rusiyada işləyir. Rusiyada gərginlik onların işinə də təsir edəcək. Xatırladaq ki, “Vaqner” Xüsusi Hərbi Şirkətin başçısı Yevgeni Priqojin Rusiya Müdafiə Nazirliyini onun şirkətinin mövqelərinə zərbələr endirməkdə ittiham edib və 25 min insanın “məsələni aydınlaşdırmağa” hazırlaşdığını bildirib. O, Rostov və Voronejdə bütün hərbi obyektlərin nəzarətə götürüldüyünü açıqlayıb. Ardınca Belarusun vasitəçiliyi ilə “Vaqner” geri çəkilib.